Amdanom ni

Prosiect lleol yw Pwrpas, sydd wedi’i sefydlu i helpu dynion i wella’u hiechyd meddwl. Bydd yn gweithredu fel hwb a'i brif nod yw:

• Codi ymwybyddiaeth o'r heriau iechyd meddwl sy'n wynebu dynion.

• Ymgysylltu â dynion a hybu sgwrs.

• Cyfeirio dynion at gymorth priodol.

Bydd Pwrpas yn cyflawni'r uchod drwy wneud y canlynol:

• Cydweithio â chyflogwyr lleol a phartneriaid arbenigol.

• Creu gwefan a fydd yn bwynt cyfeirio unigol, sy’n cynnwys gwybodaeth am achosion a symptomau iechyd meddwl gwael ynghyd â ffynonellau cymorth.

• Hwyluso hyfforddiant i rwydwaith lleol o gyfeillion iechyd meddwl ac Ymgeleddwyr Iechyd Meddwl.

• Cefnogi’r rhwydwaith hwn drwy ddarparu digwyddiadau rhwydweithio rheolaidd.

OEDDECH CHI'N GWYBOD?

• Mae 12.5% o ddynion yn y Deyrnas Unedig yn dioddef gyda phroblem iechyd meddwl.
  

• Dim ond 35% o ddynion sy’n ceisio cael cymorth gyda'u hiechyd meddwl.
  

• Dynion yw 3 o bob 4 o hunanladdiadau.
  

• Yn 2018 roedd 6,154 o hunanladdiadau yn y Deyrnas Unedig - 16 y dydd!
  

• Hunanladdiad yw’r lladdwr mwyaf ymysg dynion o dan 45 oed, yn y Deyrnas Unedig, mwy na chanser neu glefyd y galon.
  

• Mae alcohol yn gyfrifol am 33,000 o farwolaethau'r flwyddyn yn y Deyrnas Unedig.
  

• Mae 4.3% o ddynion yn y Deyrnas Unedig yn ddibynnol ar gyffuriau.
  

• Amcangyfrifir bod rhyw 2 filiwn o bobl yn y Deyrnas Unedig yn gaeth i gyffuriau dros y cownter.
  

• Mae gan dros 300,000 o ddynion anhwylder bwyta – cynnydd o fwy na 70% yn y 6 mlynedd hyd at 2017.
  

• Mae mwy na 2 filiwn o bobl yn y Deyrnas Unedig naill ai â phroblem gamblo neu mewn perygl o fynd yn gaeth iddo.
  

oMae 12.5% o ddynion yn y Deyrnas Unedig yn dioddef gyda phroblem iechyd meddwl.